《結婚油畫體驗分享》- PW高級油畫之選

原文出處：http://wow.esdlife.com/space.php?uid=121773&do=blog&id=351448

 (《窩居篇》第三回之高級的油畫)

感謝客人奇異小妹的分享，希望可以為更多追求品質的客人提供實際參考！

 

Hi~又係我奇異小妹呀，距離結婚仲有啱啱倒數7個月，先唔掃興講自己有幾多野未搞️️不如大家開心啲睇下我搞咗啲咩先啦，登登登登！就係整咗一幅60x90cm嘅靚靚油畫啦️

其實我同大口仔同居咗就快一年，雖然我哋嘅窩居好細，但就掛咗好多畫，有淘寶，有Ikea，唔好問點解咁多畫，我詩情畫意囉但我哋一直好想掛番幅屬於我哋婚照嘅油畫喺屋企，所以影完第一輯PW之後，一直好鍾意其中兩張相，一張係婚紗，一張係晚裝，思前想後，最後決定搵公司印晚裝嗰張（因為第一輯PW唔包油畫的）。

為咗二選一，我頭髮都甩咗幾條️唔好問我點解唔整多幅，如果我屋企夠大，我唔介意，依家係我個窩居介意ok？

之前見到有同學仔介紹過呢間香港油畫專門店，所以上網睇下資料，見整60x90cm呢個size都唔使$800(20×30寸呢個size仲平多$100)，重點係包送上門，既然鍾意，咁咪做囉，反正big day都要用，我E-mail張相俾佢，佢好似第二日就send番幅圖俾我睇，前後一星期左右就送到上門，都好快手下！當然我呢啲職業女性點會成日留喺屋企？所以寄咗去我樓下間順豐。

事不宜遲！去相！

原本想印呢張~~~

最後揀呢張，理由係大口仔好難得合埋口咁型仔！

送嚟嘅時候包到實！但原來好輕身㗎！

有啲透明波波紙（係咪咁叫？）包住，之後仲可以掐爆啲波波，好有快感！ 

四個角都包實，質料手工都係高級嘅味道。 

登登登登！油畫真身終於甫頭！周杰倫上身：「哎喲，不錯喔！」

夜晚黃光下影相有無更添情調？ 

麻煩細睇（係細睇畫質，not my face️)真係好ok!!! 

個廳一直掛緊宜家傢私買嘅畫，幼稚嗎？ 

仲有淘寶動物畫 

鐵皮畫都有 
松木板又有！ 
獨家附送購自泰國嘅長頸鹿燈飾 

其實我雖然個樣生得惡，但心地不壞，唔介意pm家品嘅details同share油畫個優惠折扣code俾大家，但非誠勿擾喔️️我唔係職業pm專員，pm 10次以上一句thx都無嗰啲朋友仔，我會記住你喔️️️️9次係因為我愛你️所以 #原諒你9次。

更多相關文章：想婚禮油畫更出色？一起參考一下Canvas Sweet客人的創意想法！

Canvas Sweet堅持認真對待每一幅油畫，讓油畫看起來和婚照一樣真實美好是我們的追求。Canvas Sweet選用存放十年也不會褪色的上級畫布，進口相框，配備專業的設計師和客服人員，並且建立了安全有保障的物流運輸，保證油畫質量，更加保護妳的油畫和妳的利益。選擇Canvas Sweet ，就是選擇了放心的婚照油畫 

了解更多關於整油畫的資料：http://www.canvassweet.hk/

聲明：文章版權歸Canvas Sweet香港油畫專門店所有，未經許可，禁止轉載。